Kou Prezidan Biden te pran pouvwa a an janvye 2021, administrasyon li a te anvayi ak yon kriz ki depase l, nou ka di vrèman li pa t fè ase pou l prepare pou sa: yon kantite imigran moun pa janm wè anvan ki travèse fwontyè sou bò sid la.
Men moun ki t ap vide antre kounye a pa t soti nan peyi abityèl yo, tankou Ondiras. Pi fò t ap kouri kite Venezwela — peyi ki genyen pi move dezas imanitè nan listwa Amerik Disid tan modèn sa a ak youn nan rejim otoritè ki pi brital nan kontinan an. Venezwelyen sa yo t ap fè yon vwayaj long a pye ki te sitou danjere: pou yo ale nan peyi Etazini, pi fò travèse nan jeng Darién Gap la ant Kolonbi ak Panama, anpil fwa moun pèdi lavi yo nan zòn sa a.
Aprè prèske 2 ane kote administrasyon an ap grate tèt li — epi l ap gade pwoblèm imigrasyon an k ap rale pousantaj apwobasyon Biden desann — administrasyon an parèt avèk yon mwayen pou li redui foul moun sou fwontyè a: yon pwogram imanitè ki pèmèt moun rantre nan peyi Etazini ak kondisyon, ki pran egzanp sou yon pwojè parèy pou refijye Ikrenyen, pou kite moun dezespere ki vle tounen imigran tankou Venezwelyen vin abite e travay pou yon ti bout tan nan peyi Etazini pandan 2 ane.
Aprè plizyè mwa repòtaj, WLRN vin dekouvri pwogram nan vin ralanti akoz pwoblèm biwokrasi ki sabote siksè li: demann nan pi wo pase sa administrasyon Biden nan te prevwa. Sa difisil pou n pa di enposib pou kèk imigran jwenn esponnsò epi pou yo fè paspò. Pèmi travay pran plizyè mwa anvan yo jwenn ni.
Li di WLRN an panyòl: “Pwogram nan se pi gwo espwa nou te ka genyen depi anpil ane, men chita tann nan rèd anpil. "
Analis politik yo di pito pwogram nan mache — pito li genyen pwosè moun fè kont li nan tribinal federal — si se pa sa li ka tounen yon “dezas” pou politik fwontyè Prezidan Biden nan. Nan seri dokimantè nou an ki rele Ret tann Etazini, nou pase kèk moman ak moun ki bloke nan mitan sitiyasyon sa a.
Click here for the English language series page. Click here for the Spanish Language series page.
-
Ayisyen pase anpil tan ap tann epi yo fè fas a rakèt pandan y ap eseye jwenn paspò pou yo kapab aplike nan pwogram akèy imanitè kondisyonèl administrasyon Biden nan. Fanmi pwòch yo isit nan Sid Florid viktim tou. -
Pwogram pou antre nan peyi Etazini sou kondisyon an pèmèt 30,000 imigran pa mwa kite Kiba, Ayiti, Nikaragwa ak Venezwela pou yo vini nan peyi Etazini, epi rete la pou 2 an ak asirans pou yo jwenn pèmi travay. -
Nan kad seri dokimantè nou ki rele Waiting for America (N ap ret tann Amerika) ekip Nouvèl WLRN nan drese yon lis ajans gouvènman ak òganizasyon byenfezans nan Sid Florid ki devwe pou yo ede imigran, soti nan afè jiridik rive nan sèvis sosyal.
